قطرہ مانگے جو کوئی ، تو اُسے دریا دےدے - احمد ندیم قاسمی

قطرہ مانگے جو کوئی ، تو اُسے دریا دےدے


شاعر: احمد ندیم قاسمی

بہت خوبصورت نعت

قطرہ مانگے جو کوئی ، تو اُسے دریا دےدے
مجھ کو کچھ اور نہ دے، اپنی تمنا دےدے

میں تو تجھ سے فقط اِک نقشِ کفِ پا چاہوں
تو جو چاہے تو مجھے جنتِ ماویٰ دےدے

وہ جو آسودگی چاہیں، اُنہیں آسودہ کر
بے قراری کی لطافت مجھے تنہا دےدے

میں اس اعزاز کے لائق تو نہیں ہوں، لیکن
مجھ کو ہمسائیگی گنبدِ خضرا دےدے

یوں تو جب چاہوں ، میں تیرا رُخِ زیبا دیکھوں
عرض یہ ہے کہ مجھے اذنِ تماشا دےدے

وہ بھی دیکھیں پسِ ہر حرف تیری جلوہ گری
سب کو تو میری طرح دیدہ بینا دےدے

غم تو اِس دور کی تقدیر میں لکھے ہیں ، مگر
مجھ کو ہر غم سے نمٹ لینے کا یارا دےدے

تب سمیٹوں میں میں ترے ابرِ کرم کے موتی
میرے دامن کو جو تو وُسعتِ صحرا دےدے

تیری رحمت کا یہ اعجاز نہیں تو کیا ہے
قدم اُٹھیں تو زمانہ مجھے رستا دےدے

جب بھی تھک جائے محبت کی مسافت میں ندیمؔ
تب ترا حسن بڑھے اور سنبھالا دےدے

Qatra Mangay Jo Koi, To Usay Darya Day Day
Mujh Ko Kuch Aur Nah Day, Apni Tamanna Day Day

Main Tou Tujh Say Faqat Ek Naqsh-e-Kaf-e-paa Chahoun
Tou Jo Chahay To Mujhay Jannat-e-Maawa Day Day

Woh Jo Aasoodgi Chahain, Unhain Aasooda Kar
Bay Qarari Ki latafat Mujhay Tanha Day Day

Main is Aizaaz K Laiq To Nahein Houn Lakin
Mujh Ko Hamsaigiy-e-Gumbad-e-Khizra Day Day

Youn To Chahoun, Main Tera Rukh-e-Ziaba Daikhoun
Arz Yeh Hay Kah Mujhay izn-e-Tamasha Day Day

Woh Bhi Daikhain Pas-e-Har Harf Teri Jalwa Gari
Sab Ko Tou Meri Tarah Deedah Beena Day Day

Gham To is Doar Ki Taqdeer Main Likhay Hain Magar
Mujh Ko Har Gham Say Nimat Lainay Ka Yaara Day Day

Tab Samaitoun Main Tere Abr-e-Karam K Moti
Mere Daaman Ko Jo Tun Wusaat-e-Sehra Day Day

Teri Rehmat Ka Yeh Aijaaz Nahein To Kaya Hay
Qadam Uthain To Zamana Mujhay Rasta Day Day

Jab Bhi Thak Jaye Muhabbat Ki Musaafat Main Nadeem
Tab Tera Husn Barhay Aur Sambhala Day Day