Personat të cilët do të aplikojnë për pensione invalidore nuk do të duhet të presin 6 ose 9 muaj për të marrë përgjigje qoftë pozitive ose negative, por këtë procedurë do të mund ta kryejnë brenda 60 ditëve. Kështu u shpreh Bekim Neziri, drejtor I Fondit për sigurim pensional dhe invalidor gjatë publikimit të raportit rreth punës së Seksionit mbi vlersimin e aftësisë së punës. Procedura e re e punës së FSPI-së do të startojë prej muajit shtator. "Konform procedurës së re, njësitë rajonale të Fondit pensionla invalidor në afat prej 7 ditëve duhet të kompletojnë lëndën dhe ta sjellin në Komisionin invalidor. Në afat prej dy ditësh, Komisioni invalidor duhet të bëj kontrollin e lëndës dhe të bën njoftim për ftesë të kontrollës. Kontrolli më së voni duhet të bëhet në ditën e 25. Sjellja e konstatimit duhet të bëhet në ditën e 39 konform ligjit. Komisioni revizor i cili është në kuadër të ministrisë për punë dhe politikë sociale duhet brenda 7 ditëve të sjell vendimin a do ta pranon vendimin e Fondit pensional invalidor apo jo dhe të kthet në njësinë rajonale ditën e 59 që është në kuadër të ligjit që patjetër ne duhet të sjellim vendim 60 ditë konform ligjit", tha Bekim Neziri, drejtor i Fondit për Sigurim Pensional dhe Invalidor. Sipas Nezirit, problemet me të cilat ballafaqohet Fondi për sigurim pensional kanë të bëjnë me mungesën e mjekëve specialist numri i të cilëve duhet të jetë 20. Vetëm gjatë vitit 2012 mbi vlerësimin e aftësisë për punë janë parashtruar 2793 kërkesa prej të cilave janë zgjidhur 2524. Melihate Rustemi
