Energjetika dhe kërkesa për mundësi të reja janë prioritetet kryesore të ministrave të ekonomisë të Maqedonisë dhe Kosovës. Maqedonia është e interesuar që të importoj qymyr nga Kosova me çka do të siguroj lëndë të parë për termocentralet në vend që prodhojnë rrymë.
"Bëhet fjalë më tepër për bashkëpunimin në sferën e energjetikës, këtu e kemi fokusin apo vëmendjen kryesore gjatë komitetit të përzier që është duke u mbajtur sot. Mirëpo gjithashtu do të ndalemi edhe në tema tjera të ekonomisë siç janë eksploatimi dhe hulumtimi i mineraleve. Përmenda temën e energjetikës, sferën e turizmit, në sferën e bujqësisë, gjithashtu duhet të diskutojmë për bashkëpunim mes dy vendeve, mirëpo edhe për një respektim të tërësishëm të marrëveshjes së CEFTA-s që është obligim i dy vendeve sepse edhe Maqedonia edhe Republika e Kosovës janë edhe anëtare të CEFTA-s", deklaroi Valon Saraçini, Ministër i ekonomisë.
Përpos qymyrit, |Saraçini dhe homologu i tij kosovar, Besim Beçaj paralajmëruan ndërtimin e largpërçuesit inter- konektiv midis Maqedonisë dhe Kosovës prej 400 kilovat që do të kushtoj rreth 6,2 milion euro. Një pjesë e mjeteve, gjegjësisht 2 milion do t'i sigurojë operatori i sistemit elektro- transmetues të Maqedonisë, MEPSO, kurse 4,2 milion të tjerë nga institucionet financiare ndërkombëtare. Me këtë largpërçues dukshëm duhet të përmirësohet sistemi energjetik në Maqedoni. Ministri Beçaj thotë se prioritet i dy vendeve duhet të jenë pikërisht energjetika dhe ekonomia.
"Fushat e energjetikës, në rast se flasim për potencialin që ka Republika e Kosovës janë jashtëzakonisht të theksuara, ne kemi aprovuar së voni një strategji imenerare deri në vitin 2025 jemi në proces të amendamentimit të ligjit për minierat dhe mineralet që do të hap mundësinë që Republika e Kosovës të jetë më inovative në fushën e shfrytëzimit të këtyre resurseve, mineraleve edhe me teknologji më të reja, qoftë për gazifikim nëntokësorë. Kemi biseduar dhe do të bisedojmë në detaje edhe për mundësin e lidhjes së Kosovës në unazën e gazit", deklaroi Besim Beçaj, Ministër i ekonomisë, Kosovë.
Ministrat paralajmëruan rrugë të reja në drejtim të Tiranës dhe Shkupit. Ata thonë se madje pesë ministra kanë punuar në këtë problematikë. Ndryshe Republika e Kosovës është partneri i tetë tregtar i Maqedonisë. Vetëm gjatë gjashtë muajve të parë të këtij viti ven di jonë realizoi shkëmbimin prej 213 milion euro prej të cilëve 200 milion ishin eksport kurse 13 milion euro import nga Kosova. Verica Pavlloska
