Zoran Jovanovski deponoi sot kandidaturën e tij për kryetar të LSDM-së. Ai theksoi se hyn në këtë garë, falë mbështetjes nga dy kolegët e tij nënkryetarë të LSDM-së Gordan Georgiev dhe Ana Pavllova Daneva. Jovanovski u shprehë se sfida kryesore të tij do të jenë shndërrimi i LSDM-së në një parti fitimtare, rrëzimi i pushtetit të Gruevskit, si dhe përmirësimi i jetës për qytetarët e vendit.
"Ideja ime nuk është vetëm të bëhem anëtarë i parisë. Unë dëshiroj që me reforma të thella dhe thelbësore të shndërrojë LSDM-në në parti fitimtare, një LSDM-ja që do të mundë Nikolla Gruevskin dhe mënyrën e qeverisjes së tij, një LSDM që do ta shndërroj Maqedoninë në një shtet modern dhe me perspektivë. E di se na pret shumë punë, megjithatë do t'i përveshim mangët dhe do ia arrijmë, për të mirën e të gjithë qytetarëve të Maqedonisë", u shpreh Zoran Jovanovski, kandidat ëpr kryetar të LSDM-së.
Jovanovski tha se nuk është e rastësishme që kandidaturën e tij e deponon pikërisht më 1 maj, në ditën ndërkombëtare të punëtorëve.
"Unë dëshiroj që në LSDM dhe në Maqedoni të kthej vlerat që janë shtyllë e socialdemokracisë, të drejtën, solidaritetin. Besoj fuqishëm se anëtarët e LSDM-së dhe qytetarët do ta përqafojnë konceptin tim. Unë kam plan serioz, program dhe ekip...do të ofrojmë koncept serioz, të ndershëm, koncept që në fund do të rezultojë me një Maqedoni më të mirë", deklaroi Zoran Jovanovski, kandidat për kryetar të LSDM-së.
Kandidaturën e tij ditë më parë e deponoi edhe Kire Naumov, ndërkohë që kandisim kanë paralajmëruar edhe Zoran Zaev dhe Igor Ivanovski. Ka zëra se kandidaturë do të deponojë edhe Tanja Tomiq. Bedri Rexhallari
