ELBASAN- Kreu socialist, Edi Rama zhvilloi një takim me qytetarë në Elbasan. Pas përshëndetjes së kryetarit të bashkisë së qytetit të Elbasanit, Qazim Sejdini, i cili është shprehur se "beson shumë te PS për të ndryshuar këtë qytet, ku 1 në 2 njerëz në këtë territor vdesin për shkak të ndotjes së mjedisit", e ka marrë fjalën kreu i PS-së, Edi Rama. Kreu i PS, Edi Rama premtoi se pas 23 qershorit do të anulohet brenda 100 ditëve të para ligji për importin e plehrave në Shqipëri dhe do të pastrohet nga "mali i plehrave" dhe "reja e helmit" edhe Elbasani.
