TIRANE - Shpërndarja e formularëve në adiministratën shtetërore nga ana e Partisë Demokratike, fakt i pranuar edhe nga vetë kryeministri Berisha, tashmë nuk është më një rast sporadik. Përmes këtij formulari kërkohen të shënohen të dhënat personale familjare, por jo vetëm kaq, deri te të dhënat fisnore e shoqërore të punonjësve në institucionet shtetërore. Ky formular, tashmë jo sekret, është shpërndarë fillimisht në Ministrinë e Ekonomisë, Institutin e Sigurisë Ushqimore dhe të Veterinarisë në kryeqytet. Duket se krerët e degëve të Partisë Demokratike janë ndjerë të çliruar nga deklarata e kryetarit të kësaj force Sali Berisha, i cili përgëzoi drejtoreshën në Ministrinë e Ekonomisë që kishte shpërndarë materiale të tilla për vartësit e saj.
