TIRANË -- Kreu i delegacionit të Asamblesë së PE-së, Eduard Kukan zhvilloi një takim fillimisht me kryeministrin Berisha dhe më pas me kreun e PS-së Edi Rama para se të largohet sot për në Bruksel. Kukan ishte në Tiranë për ditën e zgjedhjeve dhe vlerësoi se procesi në përgjithësi ka shkuar mirë dhe i qetë, me përjashtim të ngjarjes tragjike të ndodhur në Laç, ku u vra simpatizanti i LSI-së. Kukan vlerësoi gjithashtu se shpresonte që ky proces të vazhdojë kështu në mënyrë që jetë një fitore për Shqipërinë në procesin e integrimit. Duke nënvizuar mbështetjen që PE i jep Shqipërisë në integrimin europian, Kukan i bëri thirrje partive të pranojnë rezultatin e zgjedhjeve, madje shtoi se kishte takuar Berishën dhe ky i fundit i kishte thënë dy herë se do të pranonte rezultatin e zgjedhjeve.
