Qindra deputetë dhe shumë gazetarë sot herët në mëngjes janë evakuuar nga ndërtesa e Parlamentit bullgar. Ata mbetën të ngujuar, pasi turma prej disa qindra protestuesve mbrëmë vendosën barrikada rreth dhomës ligjdhënëse dhe nuk lejonin largimin nga ndërtesën. Atje mbetën deri në orën pesë të mëngjesit kur policia me makineri të rëndë arriti t'i largoj pengesat prej kontejnerëve, bankave dhe inventarit tjetër urban. Janë lënduar tetë protestues dhe dy policë.
"A po e shihni se çfarë po ndodh. Presim që Qeveria të bie. Për një kohë të shkurtër bënë gabime të mëdha me të cilat i tejkaluan të gjithë kufijtë".
"Qeveria doemos duhet të bie. Nëse kjo nuk ndodhë, protestat të cilat tashmë 40 ditë janë të qeta, do të nisen në drejtim tjetër. Disponimi do të bëhet shumë kritik".
Vendosja e manjatit kontrovers mediatik, Deljan Peevski, në krye të Agjencisë kombëtare për siguri, tërboi opinionin dhe rezultoi me protesta. Ata organizohen për çdo ditë prej 14 qershorit e deri tani. Protestuesit kërkojnë dorëheqjen e Qeverisë së Pllamen Oresharskit, të kryesuar nga socialistët. Vendimi për emërimin e Peevskit menjëherë ishte pezulluar, por protestuesit edhe më tutje qëndrojnë në kërkesat e tyre. Bullgaria fitoi Qeveri të re pas zgjedhjeve të parakohshme që u mbajtën më 12 maj, pasi që Kabineti paraprak i Bojko Borisovit dha dorëheqje pas protestave kundër masave të ashpra për kursim, korrupsion dhe rritje të çmimit të rrymës. Petar Bllazhevski
