Bashkësia ndërkombëtare po humb interesin që të ndërmjetësojë në zgjidhjen e çështjes së emrit. Kjo u dëshmua edhe gjatë takimit të fundit të kryeministrit grek, Andonis Samaras dhe presidentit amerikan, Barak Obama, ku çështja e emrit nuk u përmend fare. Kështu shprehen analistët Alajdin Demiri dhe Petar Arsovski. Sipas tyre, për tejkalimin e çështjes së emrit më tepër duhet të angazhohen forcat politike të vendit, gjegjësisht ato duhet të vendosin dhe të tregojnë qartë se a janë për arritjen e një zgjidhjeje për këtë çështje.
"Çuditërisht në Maqedoni, në veçanti në opinion dhe disa qarqe politike e krijuan një iluzion se në këtë takim do të bisedohet për Maqedoninë. Ajo që nuk u bisedua, shpreh në një mënyrë edhe qëndrimin e SHBA-ve se Maqedonia nuk është në agjendën e tyre, nuk është më prioritet dhe ky problem i cili zvarritet tani më një kohë të gjatë do të duhet të presë kohë më të mira ose iniciativa më reale dhe më konkrete nga ana e Maqedonisë, tha Alajdin Demiri--analist.
"Tani më një kohë të gjatë bashkësia ndërkombëtare po na bënë të qartë se si po kalon koha ashtu ata po humbet interesi për të zgjidhur problemet tona të brendshme. Këtë e tha edhe Kristofer Hill në intervistën e fundit, ja tani kjo porosi doli edhe nga takimi Samaras-Obama. Nuk e kam të qartë se çfarë duhet të ndodh që ne të kuptojmë se zgjidhja e çështjes së emrit është obligim i yni i brendshëm dhe që ne duhet ti përveshim mëngët e të zgjidhim problemin me emrin dhe integrimet tona euro-atlantike, tha Petar Arsovski--analist.
Analistët Demiri dhe Arpsovski thonë se ofensiva diplomatike e VMRO-DPMNE-së dhe e BDI-së ishin të kota pasi pa një konsensus të brendshëm, komuniteti ndërkombëtar nuk mundet ti ndihmojë Maqedonisë.
"Nuk e di se çfarë kanë bërë këta të tanët gjatë ofensivës diplomatike dhe nuk e kam të artë se sa mundet komuniteti ndërkombëtarë të na ndihmojë në këtë drejtim, pasi për një gjë të tillë nevojitet një vullnet politik nga të dyja palët, kështu që unë mendojë, derisa formati i bisedimeve nuk ngrihet në një nivel të caktuar dhe derisa nuk arrihet një konsensus kombëtar rreth asaj se çfarë do të bëjmë me ardhmërinë tonë, askush nga jashtë nuk do të mund të na ndihmojë ta tejkalojmë problemin me emrin, theksoi Arsovski.
"Kohëve të fundit, pas letrës së kryeministrit Gruevski është duke lëvizur një iniciativë më konkrete, mirëpo strategjia është e gabuar, duhet presionet të orientohen diku në mënyrë më konkrete, pasi Greqia aktualisht nuk e ka prioritet raportet me Maqedoninë, por ka prioritet ekonominë e brendshme, përfundoi Demiri.
Demiri dhe Arsovski thonë takimi Samaras-Obama ishte zhgënjyes për autoritetet e Shkupit të cilët pritnin që Uashingtoni zyrtar të bind kryeministrin grek për një angazhim më të madh rreth çështjes së emrit. Valmir Kuçi
