Gjykatësi hetues i Gjykatës themelore Shkupi 1, i ka caktuar masën e paraburgimit prej 30 ditë 16 të arrestuarve në aksionin "Spiuni" kurse njërit nga të dyshuarit për shkaqe shëndetësore i caktoi masën e arrestit shtëpiak. Masa e paraburgimit në mungesë iu shqiptua edhe tre personave të cilët akoma janë në arrati. Të gjithë të dyshohen për bashkëpunim në veprimtari kriminale , spiunim , shantazh dhe mashtrim. MPB-ja në aksionin"spiuni", ngrit padi penale gjithsej kundër 20 personave. Ata akuzohen se shërbimeve sekrete të njërit nga vendet fqinje kanë ofruar informacione. Janë përfshirë edhe në shantazhe dhe mashtrime të personave publik nga fusha afariste. Në mesin e të arrestuarve është shefi i kabinetit të kryetarit të parlamentit, Marjan Maxhovski, ish drejtori i Agjencisë kundër larjes së parave, Vane Cvetanov, gjenerali i policisë, Goran Stojkov, Aleksandar Dinevski nga Drejtoria e kundërzbulimit, në ndjekje është edhe Zoran Bozhinovski, pronar i portalit të internetit "Burevesnik". Ndërkohë, një pjesë e mediave në vend njoftojnë se sipas burime të hetuesisë, shumë nga informacionet kanë përfunduar në duart e shërbimeve sekrete të Greqisë dhe Hungarisë. Hungarezët, mendohet se një pjesë të informacioneve lë besueshme ua kanë dhënë shërbimeve të tjera zbuluese, por nuk bëhet e ditur konkretisht për cilat shërbime bëhet fjalë. Alsat-M
