Dushi i ftohtë për Maqedoninë nga Brukseli nuk ka befasuar partinë politike në pushtet VMRO-DPMNE-në. Për ish ministrin dhe deputetin aktual të kësaj partie Antonio Milloshoski, kjo bllokadë ka qenë e pritur. Sipas tij gjendja është shumë e qartë, Maqedonia është e gatshme për fillim të negociatave me BE-në ndërkohë që Greqia nuk është e gatshme që të heq dorë nga e drejta e vetos. Procesi integrues i Maqedonisë do të vendnumëroj edhe gjatë periudhës së ardhshme, me vet faktin se në gjashtë mujorin e ardhshëm me BE-në do të kryesoj Greqia. Edhe Sekretariati për çështje evropiane ka shpreh keqardhje për shkak se Këshilli nuk arriti të miratoj rekomandimin e KE-së, për fillimin e bisedimeve me Maqedoninë për shkak të mos arritjes së konsensusit nga të gjitha shtetet anëtare. Por sekretariati për çështje evropiane përshëndet konkluzionin e Këshillit se Maqedonia përmbush kriteret politike për anëtarësim dhe se dialogu para-qasës i nivelit të lartë do të vazhdoj ti zgjidh reformat e apostrofuara.
"Bashkimi Evropian dhe kredibiliteti i saj janë peng i sjelljes greke. Ajo që duhet marrë parasysh është se Republika e Maqedonisë në bazë të kritereve të Kopenhagës i plotëson të gjitha parametrat. Pa dallim se dikush mund të thotë se ka disa mangësi të caktuara, sërish Maqedonia sot është më e përgatitur për fillim të negociatave për anëtarësim në BE sesa shumë vende anëtare që i kanë filluar negociatat para 10 viteve. Nga kryesimi grek nuk pres asgjë më tepër. Ndërkohë që pajtohem se do ta injoroj çështjen maqedonase", tha Antonio Milloshoski, VMRO-DPMNE.
Ndërkohë kreu i PDSH-së fajin për dështimin e vendit në procesin euro-integrues krahas qeverisë e sheh edhe tek partia politike shqiptare në pushtet BDI dhe vetë Ali Ahmeti, meqë sipas Thaçit, BDi-ja kryeson me sekretariatin për euro-integrime. Ka reaguar edhe PLD-ja duke theksuar se Maqedonia jo që nuk shënoi ndonjë progres dhe po vendnumëron, por shënon kthim mbrapa në agjendën evropiane.
"Jam i detyruar që të deklarohem. Politikë tejet e gabuar e qeverisë. Më së shumti e z. Ahmeti dhe BDI-së. Politikë e mashtrimit 6 vjeçar me gënjeshtra të njëpasnjëshme. Jam i bindur se do të ndëshkohet fortë nga shqiptarët, kudo që të jetë mundësia. Përgjegjësia ka arritur në derën e dhomës të Ali Ahmetit, dhe nuk pse të fshihet tani, duhet të del të na sqarojë cilat ishin turnetë diplomatike dhe mashtrimet e tij", tha Menduh Thaçi, kryetar i PDSH-së.
"PLD-ja vlerëson se Maqedonia edhe më tej po fundoset, derisa Serbia, Shqipëria madje edhe Kosova kanë shënuar përparim. Në këtë mënyrë, qeveria Gruevski, plotësisht e ka dëshmuar paaftësinë e saj dhe indiferencën që të bëj diç gjatë dy muajve të kaluar, që të përmirësoj statusin aspirant të vendit. Me porosinë e sajë nervoze dhe cinike ndaj Këshillit Evropian, citoj: BE-ja të na ftoj kur ajo të jetë e gatshme", ka për qëllim që fajin për mossuksesin e sundimit të tij jo-shtetëror dh jodemokratik ta hedh në llogari të Brukselit", deklaroi Nano Ruzhin, ...
