Njohësit e çështjeve evropiane vlerësojnë se zgjedhjet e prillit mund të ofrojnë mundësi për zhbllokimin e proceseve euroatlantike dhe kapërcimin e problemit të emrit. Profesori Bekim Kadriu, kërkesën e BDI-së që këto çështje të përfshijnë një marrëveshje të re me partnerin e koalicionit, e cilëson si shans që çështjet të lëvizin përpara, pasi me një legjitimitet më të fuqishëm faktori shqiptar mund të kushtëzojë partnerin maqedonas, madje edhe për formimin të qeverisë.
"Nga perspektiva e BDI-së, kjo është një dalje nga situata që në shah quhet Pat pozicion, për shkak se ju jeni pjesë e qeverisë, dëshironi ta zhbllokoni procesin euro-integrues por nuk keni mundësi për shkak se në qeveri keni një partner. Të debllokohet kjo situatë brenda përbrenda qeverisë, zgjedhjet e parakohshme shkojnë në këtë drejtim të debllokohet kjo situatë brenda për brenda qeverisë me shanse. A do të realizohet ai shans, varet nga rezultatet e zgjedhjeve, qëndrimet e partive pas zgjedhjeve", deklaroi Bekim Kadriu, profesor.
Bojan Mariçiq e shikon si pozitive imponim e temës së euro-integrimeve në këtë proces zgjedhor, pasi, sipas tij, këto tema nuk ishin faktor kushtëzues gjatë zgjedhjeve 2011.
"Do të ishte e përgjegjshme nëse të gjitha partitë politike e shfrytëzojnë mundësinë ë zgjedhjeve të parakohshme parlamentare, të paralajmërojnë se kjo çështje do të zgjidhet gjatë mandatit të ardhshëm. Nëse kjo nuk paralajmërohet nga të gjithë, dhe jo vetëm BDI-ja, atëherë vetëm do të shtyhet agonia nga viti në viti. Ndërkaq deri në fund të vitit Maqedonia rrezikon të mos marrë rekomandimin e Komisionit, pasi është vënë në pikëpyetje edhe kredibiliteti i Komisionit Evropian, pasi ka 5 rekomandime për çeljen e negociatave, dhe asnjëra prej tyre nuk është përmbushur", tha Bojan Mariçiq, Qendra maqedonase për edukim evropian.
Kreu i BDI-së Ali Ahmeti pak ditë më parë theksoi se zhbllokimi i proceseve euro-integruese dhe zgjidhja e çështjes kërkojnë ndërhyrje urgjente dhe do jenë pjesë marrëveshjes së re në mandatin e ri.
"Do të fillohet hartimi i Marrëveshjes së re për mandatin e ri, nëse BDI fiton zgjedhjet. NATO-ja ka Samit në shtator, duam përparim, e jo zhgënjim. Ç'kuptim do të kishte sikur ta marrim rekomandimin e gjashtë. Pesë rekomandime i janë dhënë Maqedonisë për të marrë datë për anëtarësim në Bashkimin Evropian. Do të ishte një rekomandim i lodhshëm, rekomandim koti", u shpreh Ali Ahmeti, kryetar i BDI-së .
Si afat për zgjidhjen e çështjes së emrit, Ahmeti theksoi Samitin e radhës të NATO-s në shtator, që do të mbahet në Britaninë e Madhe, por edhe Raportin e ardhshëm të Komisionit Evropian. Madje nëse as pas këtyre zgjedhjeve nuk ka përparim, Ahmeti paralajmëroi zgjedhje të jashtëzakonshme në shtator. Semra Jakupi
