Opozita ka dominuar debatin parlamentar të së enjtes duke paraqitur publikisht një paketë amendametesh, të cilat i ishin refuzuar në konferencën e kryetarëve.
Deputetët demokratë kërkuan rikthimin e taksës së sheshtë, faljen e kamatvonesave dhe pagesës së energjisë për shtresat në nevojë, aministi për bizenset që nga janari i 2011 dhe jo nga marsi i 2013 siç prozon qeveria shqiptare, anulimin e vendimit për shkarkimin e kreut të ILDKP-së dhe detyrimin e kryeministrit Edi Rama për të raportuar në Kuvend për integrimin.
" Unë kam paraqitur një amandament që të rikthehet në debat vendosja e taksës së 10 %, taksë e sheshtë për të gjithë aktivitetet prodhuese" tha Bode.
"Jam këtu për të propozuar një amnisti të plotë për të gjithë kamatat dhe vonespagesat të atyre që janë në ndihmë ekonomike, janë në pensione. Të bëjmë një fillim nga zero me ta. Vijmë tek aministija , ligji i vjetër, nuk bën kush mo, ju bëni amnisti klasore"tha Berisha .
"Sot është hera e parë që opozita bën një përpjekje për të mos folur përçart, ju presim të ktheheni me këmbë në tokë dhe të kuptoni që jeni në opozitë" tha Rama.
Duke i kujtuar se asnjë nga propozimet e tyre nuk ishin pjesë e diskutimit, kreu i grupit parlamentar socilist Gramoz Ruçi ftoi opozitën të bashkëpunojë për reformat imediate, siç është ajo për ndarjen e re territoriale dhe dha këtë paralajmërim.
"Deri ditën e enjte zoti. Kryetar të lëmë një afat, të zëmë vendet aty në Komision, që veprimtari e këtij Komisioni të jetësohet në të kundërt ju kujtoj zoti Kryetar ju kërkoj në emër të mazhorancës që parlamenti të rishikojë vendimin" tha Ruçi.
Paketës së propozimeve të opozitës, mazhoranca në Konferëncën e Kryetarëve iu përgjigj duke rifutur në axhendën ndryshime në ligjin për stautin e nëpunësit civil.
"Arrogancë jo vetëm ndaj ligjit e shqiptarëve, por edhe ndaj partnerëve e të huajve, e futni në kalendar këtë ligj pasi premtuat se do ta nxirrnit nga kalendari" u shpreh Topalli.
Prej më shumë e 2 muajsh opozita ka mbajtuar një qëndrim të kushtëzuar ndaj Kuvendit, duke qenë prezent vetëm në nisje të seancave plenaredhe duke refuzuar të bëhet pjesë e Komisionit të posaçëm për reformën administrative-territoriale.
