Korçë- Gjykata e shkallës së parë në Korçë ka nisur sot shqyrtimin e çështjes në ngarkim të dy doganierëve të P.K.K Goricë dhe 3 punonjësve të tjerë të saj, të akuzuar nga prokuroria per shperdorim detyre dhe kontrabande mallrash.
Sipas prokurorit të çështjes dy doganierët, Niko Vurmo dhe Altin Cenolli në bashkëpunim me një punonjës të policisë kufitare Piro Bendo,operatorin e kamerave Gazmor Bregu dhe krontrollorin Dëfrim Agastra kanë lënë të kalojnë, duke evituar detyrimet doganore një mjet tip "Benz" me mallra të ndryshëm ushqimore dhe pije alkoolike pa bërë zhdoganimin e tyre.
Sipas Prokurorit, makina nuk është kontrolluar fare nga punonjësit e doganës dhe kjo faktohet edhe nga qëndrimi i saj para sportelit të kontrollorit i vëzhguar edhe nga kamerat vetëm për 18 sekonda.
Akuzat e Prokurorit janë hedhur poshtë nga avokatët mbrojtës të të arrestuarve, të cilët kanë deklaruar se mjeti tip "Benz" nuk kishte pasur mallrat që ishin kapur në afërsi të fshatit Pojan dhe se këto mallra nuk kanë kaluar përmes kësaj pike kalimi kufitar,duke hedhur dyshime se mallrat jane marrë diku tjetër nga drejtuesit e mjetit.
Një gjë e tillë është deklaruar në sallën e gjyqit si nga tre punonjësit e arrestuar nga SHKB ashtu edhe dy doganierët, duke i mëshuar faktit se makina kur ka kaluar në doganë nuk ka pasur mallra brenda të sasisë që jane kapur nga policia.
Por Prokurori i çështjes ka kërkuar për të gjithë vendosjen e masës "arrest me burg", afat 30 ditë deri në përfundim të hetimeve, pasi deklaratat e të pandehurve pritet të zrbadhen pas marrjes nga Prokuroria të filmimeve të plota të kamerave.
Ndërkohë pasi ka dëgjuar pretendimet e palëve, gjykata ka vendosur ti lërë në burg për 30 ditë të pandehurit deri në përfundim të hetimeve nga ana e Prokurorisë.
Ngjarja dhe versioni zyrtar i policisë për arrestimet
4 ditë më parë në fshatin Zvezde të rrethit Korçë, në aksin rrugor që vjen nga Pika e Kalimit Kufitar Goricë, u bë kapja dhe arrestimi në flagrancë i shtetasve të dyshuar :
Nalton Vasil Moni, 37 vjec, banues në fshatin Pojan Korçë ,
Gezim Haki Gega, 46 vjec, banues ne fshatin Pojan Korçë,
Arretimi i tyre u bë pasi këta shtetas ishin duke udhëtuar automjet tip Mercdes Benz me targë CA7441PT, ku në pjesën pasme të ketij mjeti u konstatuan një sasi mallrash si me poshtë:
1- Njeqind e gjashtedhjet (160) shishe palstike vere e kuqe me sasi secila 2 litra.
2- Njeqind e gjashtedhjet (160) shishe plastike Uthull me sasi 2 litra.
3- Dyzet (40) shishe plastike Coca Cola te zeze me sasi 2 litra.
4- Pese kuti kartoni me produkte mishi me peshe te pergjithshme 58 kg.
Në lidhje me këtë sasi malli keta shtetas kanë deklaruar se nuk kanë asnjë faturë për shoqerim apo ndonjë dokument zhdoganimi malli.
Nga verfikimet e kryera nga ana jonë në sistemin "Tims" rezultoi se këta shtetas kanë hyrë në Shqipëri nëpërmjet Pikës së Kalimit Kufitar Goricë
Gjithashtu nga hetimet e kryera u bë kapja dhe arrestimi në flagrancë i shtetasve të dyshuar :
1. Altin Muarem Cenolli...
