Lezhë-Mark Doçi ka shërbyer si efektiv në burgun e Shën Kollit për 10 vite, por pas aksidentit të pësuar ai ka mbetur në mëshirë të fatit.
Ka humbur aftësinë për punë pas një aksidenti në verën e 2013-tës, por gardiani i burgut të Shënkollit në Lezhë, Mark Doçi, nuk trajtohet si invalid i punës pasi institucioni të cilit i shërbeu e ka plotësuar 6 muaj me vonesë dokumentacionin që fakton se aksidenti ka ndodhur menjëherë pas punës.
Sipas tij kjo procedurë duhej të ishte kryer brenda 24 orëve, e për këtë qëllim kërkon një zgjidhje, të cilën ende nuk ka mundur ta gjejë pas aksidentit. Marku ka qëndruar 23 ditë në gjendje kome, ndërsa prej 10 muajsh ai lëviz me vështirësi, pasi njëra këmbë nuk i funsionon, ndërsa ka dëmtime dhe në kokë. Sikur të mos mjaftonte ky aksident i rëndë, Mark Doçi nuk përfiton as pension. "Institucioni më pa plotësuar vërtetimin aksident në punë me vonesë gjashtë muaj. Në një kohë që e ka pasur për detyrë 24 orë pas njoftimit nga spitali për aksidentin tim. Ju lutem të gjitha institucioneve të më plotësojnë të gjithë të drejtat e mia pasi unë jam jashtë çdo aftësie për punë. Më janë përgjigjur në mënyrë absurde, nuk merremi me ty sepse ne ecim me makinë në rrugë private, me naftë të paguar. Unë nuk kam lekë të paguaj për shëndetin tim, jo .." shprehet ai.
Me paaftësinë e tij i duhet të mbajë edhe 4 anëtarët e tjerë të familjes, ndaj edhe apeli i tij për ti dhënë një të drejtë të mohuar është një përgjegjësi e institucioneve.
