Buqeta me lule dhe një minutë heshtje kanë zëvendësuar sot buzëqeshjen dhe hapat lozonjare të Gesarës, e cila katër ditë më parë mbeti e vrarë nga dora e njeriut që solli në jetë, nënës së saj.
Lulet e vendosura në bankën ku ajo studionte çdo ditë,përkojnë më se miri me freskinë e moshës së Gesarës,mungesa e të cilës ndihet mjaft tek shokët e klases së saj,të cilët ende nuk mund ta imagjinojnë se ajo nuk është më. Ata thone se Gesara njihej si nje vajze e rregullt, fakt të cilët e pohojnë edhe mësusesit e kësaj shkolle.
"Ajo ishte një nxënëse me sjellje shumë të mira, ishte e qetë e dashur dhe e respektuar nga të gjithë. Gëzonte respect edhe nga nxënësit edhe nga mësuesit dhe familja e saj gëzon respect të madh në fshat", u shpreh një mësues.
Ndarja e saj nga jeta ende ka mbetur një mister,të cilën e kanë marrë me vete nënë e bijë. I vetmi detaj që behet publik mbi këtë ngjarje tronditese është fakti se Gesara ditën e premte ka munguar në shkollë, për të cilën nuk ka paraqitur asnjë shkak apo lajmerim paraprak.
Familja Keqi vazhdon të presë ngushëllime, ndërsa djali i shtëpisë i cili është në emrigrim në Amerike, nuk ka marrë pjesë në ceremoninë mortore.Në një situate të tillë kryefamiljari Mark Keqi, ka përballuar i vetëm fatkeqësinë, ndërsa gjendja e tij po rëndohet nga dita në ditë.
Lidhur mbi ngjarjen e dyfishte askush nuk po jep një version të saktë,madje as vetë policia e Kurbinit. Banorët e fshatit te vogël të Fushë Kuqes janë të shokuar nga kjo ngjarje, ku përtej respektit për pjeseëtaret e familjes Keqi, tashme eshte misteri i vrasjes kryefjala e ditës.Gesara u qëllua me automatik në banesë nga nëna e saj Mimoza,e cila me pas vrau edhe veten.
Për më shumë klikoni në http://www.oranews.tv/
