Presidenti i Shteteve të Bashkuara, Barack Obama, ka riafirmuar angazhimin "e palëkundur" të SHBA-së për sigurinë e Polonisë dhe aleatëve të tjerë të NATO-s në Evropën Lindore dhe Qendrore, pas ndërhyrjes së Rusisë në Ukrainë. Duke iu adresuar masës në Sheshin e Kështjellës në Varshavë të Polonisë , Obama ka tërhequr paralele midis ngjarjeve në Poloni 25 vjet më parë dhe situatës aktuale në Ukrainë. "Ne nuk do të pranojmë pushtimin rus të Krimesë dhe shkeljen e sovranitetit të Ukrainës", ka thënë Obama në fjalimin e mbajtur me rastin e 25-vjetorit të zgjedhjeve të para demokratike në Poloni. Presidenti amerikan ka takuar sot në Varshavë edhe presidentin e zgjedhur të Ukrainës, Petro Poroshenko. Alsat-M
