Subscribe në Ora News këtu http://bit.ly/1s5j7UT
Kryeministri i vendit Edi Rama është ndalur në Lezhë pasditen e së markures. I shoqëruar nga drejtuesit e tatimëve në këtë qytet ai fillimisht ka parë nga afër aksionin e ndërmarrë kundër informalitetit. Ai është ndalur tek disa subjekte në rrugen "Luigj Gurakuqi" duke parë nga afër punen e tyre.
Rama ka konsumuar edhe një kafe në një nga lokalet e kësaj zone, ku nuk ka nguruar të marrë edhe kuponin tatimor. Pas inspektimeve nëpër biznese kreu i qeverise ka zhvilluar nje takim edhe me tatimoret duke i këshilluar që të zbatojnë vetëm ligjin,ose ne të kundert do të përballen po më forcen e ligjit.
Në këtë takim Rama shoqërohej edhe nga disa Ministra të kabinetit qeveritar Mimi Kodheli, Lindita Nikolla dhe Shkelqim Cani. Ajo çfarë ra në sy ishte edhe prania e deputetit të Qarkut të Lezhë i cili dorëzoi mandatin dy ditë më parë, Arben Ndoka.
Ai ishte përkrah Rames, ndërsa kanë zhvilluar një takim me dyer të mbyllura me strukturate Partisë Socialiste në këtë rreth. Largimi i dy deputëve Ndokës dhe Prenges të cilët i përkisinin Qarkut të Lezhës, duket se e kanë shqetësuar shefin e qeverisë. Nga burimet brenda këtij takimi i cili zgjati 30 minuta mësohet se Rama ka folur në lidhje me zhvillimet e fundit në kampin rozë, ndërsa nuk është lënë jashte vemendjes edhe humbja e Bashkisë së Lezhës në zgjedhjet e 21-qershorit.
Ai ju ka kërkuar strukturave të partisë shpjegime mbi faktoret e kësaj humbje të thellë në këtë rreth, ndërsa gjithçka do të analizohet me detaje. Takimi i kryeministrit është mbajtur larg syrit të gazetarëve, por ai mësohet të ketë folur edhe për zëvendësuesin e deputetit të largaur tashmë Arben Ndoka. Marrëdhëniet jo të mira gjatë kohëve të fundit me Eduart Ndocajn, sipas listes emërorëve të Partisë Socialiste pritet që të zëvendësoje deputetin që la mandatin Arben Ndoka nuk kanë kaluar jashtë vemendjes së kryeminstrit të cilën e ka diskuatuar me bazen socialiste.
Për më shumë klikoni në http://www.oranews.tv/vendi/rama-sot-pasdite-ne-lezhe-e-shoqeron-dhe-arben-ndoka/
