Subscribe në Ora News këtu http://bit.ly/1s5j7UT
Furnizimi me ujë të pijshëm i qytetarëve shqiptarë tashmë do të jetë në përgjegjësi të drejtuesve vendorë.Këshilltarja juridike pranë Ministrit të Transporteve shpjegon se nëse një shoqëri do të dalë me humbje do të mbulohet nga buxheti i Bashkive si dhe anasjelltas.Ndërkohë që thekson se keqmenaxhimi ka bërë që humbjet të jenë nivelin 67%.Në fokus të reformës do jetë edhe aksioni për lidhjet e paligjshme.
Drejtuesit vendorë tashmë do të kenë në përgjegjësi edhe furnizimin me ujë të pijshëm për qytetarët që përfaqësojnë.
Këshilltarja juridike në Ministrinë e Transportit, Lindita Sotiri, shpjegon se synimi i reformës është përmirësimi i furnizimit me ujë të pijshëm në një kohë që është vetëm 12 orë.
Sotiri: ?Humbjet e shoqërive do të mbulohen nga buxheti i Bashkisë. Situata është alarmante pasi mesatarja e republikës e furnizimit me ujë është rreth 12 orë në ditë. Një pjesë e madhe e shoqërive furnizojnë në një kohëzgjatej edhe me të ulët?.
Sipas Sotirit humbjet e ujit të pijshëm në rrjet janë në nivelin 67% dhe kjo vetëm si pasojë e keqmenaxhimit.
Sotiri: ?Niveli i humbjeve në shoqëritë e Ujësjellës-Kanalizimeve vlerësohet të jetë në masën 67%. Disa nga shkaqet e humbjeve janë lidhjet e paligjshme, mënyra e prodhimit, keqmenaxhimi i cili vlerësohet të jetë në masën 40%?.
Pjesë e reformës për ujësjellës-kanalizimet pritet të jetë edhe aksioni kundër lidhjes së paligjshme.
Sotiri: ?Qytetarëve do tu lihet një periudhë për vetëdeklarimin e lidhjeve të paligjshme, pastaj do të merren masat që parashikon ligjin për ndërprerjen e lidhjeve të paligjshme në rastin që ato cënojnë funksionalitetin?.
Paralajmërohet se do të rishikohen të gjithë të punësuar, të cilët nuk kanë profesionet e duhura.
Për më shumë klikoni në http://www.oranews.tv/vendi/reforma-e-ujesjellesave-drejtuesit-vendore-tani-pergjegjesi-per-menaxhimin/
