Subscribe në Ora News këtu http://bit.ly/1s5j7UT
?Nuk kam dilema për formacionin,?- deklaroi dje në konferencën e fundit për shtyp trajneri i kombëtares shqiptare Gianni de Biasi, dhe në fakt një tekniku me aftësi të pamohueshme i duhet besuar, pasi në rreshtimin që ai do të aplikojë kundër Serbisë ndryshon nga skema e përdorur së fundmi madje edhe aktorët nuk janë të njëjtë. 59 vjecari me shumë mundësi nuk do të përdorë modulin 4-5-1, por një 4-1-1 të paprovuar më parë.
Në portë do të jetë Etrit Berisha, mbrojtja do të përbëhet nga Hysaj, kapiteni Cana, Gjimshiti dhe jo Ajeti, me Agollin në të majtë. Mesfusha do të jetë më shumë muskuj dhe më pak fantazi, me Andi Lilën në të djathtë të këtij reparti, Bashën dhe Taulant Xhakën në qëndër dhe Lenjanin në skajin tjetër.
Ndërkohë që supriza më e madhë është në pjesën ofensive ku Ledian Memushaj do të vendoset pas krahëve të Bekim Balajt, me këtë të fundit që do të marrë vendin ku projektohej më parë Cikalleshi.
Në krahun tjetër trajneri i Serbisë Radovan Curcic i qëndron besnik modulit të tij 4-2-3-1. Mes shtyllave do të jetë Stojkovic, 4-shja difensive do të përbëhet nga Tomovic, Ivanovic,Spahic dhe Kolarov. Përpara mbrojtjes do të vendosen Brasanac dhe Nemanja Matic, ndërsa Adem Ljajic, Tadic dhe Tosic do të lëvizin pas krahëve të Alexander Mitrovic.
Një betejë që nuk do të zhvillohet vetëm mes lojtarëve por edhe mes dy strategëve në pankinat respektive, ku gjithçka do ta ketë zanafillën në orën 20 : 45 nën drejtimin e gjyqtarit Italian Nicola Rizzoli.
Për më shumë klikoni në http://sport.oranews.tv/ja-skema-e-de-biasit-kunder-serbise/
