http://www.vizionplus.tv
https://facebook.com/VizionPlusTV
https://twitter.com/VizionPlusTV
Këto janë ndërtimet e ngritura pa leje në zonën e Zvërnecit në Vlorë. Në vijim të aksionit të nisur rreth dy muaj më parë Inspektorati Ndërtimor ka nisur shembjen e 15 objekteve pranë ish-kampit të pionierëve. Ndërtesat e shembura këtë të mërkurë kanë qenë kryesisht objekte shërbimi. Ato ishin ngritur pasi ishin prerë pishat në pyllin e sodës. Pronarët e ndërtesave nuk kanë qenë të pranishëm gjatë aksionit. Kryetari i bashkisë Vlorë, Shpëtim Gjika është shprehur se çdo ndërtesë që është në proces legalizimi do te verifikohet dhe nëse është në shkelje të ligjit do të shembet. Bashkia e Vlorës ka identifikuar mbi 140 objekte pa leje të ngritura kryesisht para zgjedhjeve të 23 qershorit. Aksioni më i madh i prishjes së tyre pritet të fillojë në përfundim të sezonit turistik.
