http://www.vizionplus.tv
https://facebook.com/VizionPlusTV
https://twitter.com/VizionPlusTV
Çdo mjet lundrues në dete, liqene apo lumenj me tonazh neto të regjistrit, nën 20 TON duhet te pajiset me sistem për lokalizim gjeografik GPS. Këto janë parashikimet e ndryshimeve ligjore që janë miratuar pa debate në Komisionin e Ligjeve. Ministri i Brendshëm Sajmir Tahiri argumentoi se këto rregullime ligjore synojnë vendosjen e disiplinës në udhëtimin detar; çështje që ka mbetur e parregulluar ligjërisht pas skadimit të moratoriumit. Sipas Tahirit duke qene se moratorium nuk pati efekte në luftën kundër trafiqeve, qeveria ka vendosur të zgjedhe këto amendime për të ofruar siguri veçanërisht meqenëse ndodhemi në prag të sezonit turistik. Sipas këtyre ndryshimeve ligjore mjetet lundruese përveç GPS duhet të kenë pajisjet e shpëtimit, sinjalet ndriçuese për lundrimin natën, te pajisjen me radio ndërlidhjeje, të sintonizuar në frekuencat e ndihmës detare. Penalitetet ne rast mos zbatimit të këtyre rregullave dënohen me gjobe deri në 50 mijë lekë dhe sekuestrim të mjetit. Komisioni i Ligjeve ka miratuar edhe ndryshimet ne ligjin për pajisjen e shtetasve shqiptare me pasaporte. Këto ndryshime shtyjnë me një vit skandenceën e 156 mijë pasaportave të fëmijëve që në kundërshtim me ligjin e kanë pasur 10 vjet afatin.
