http://www.vizionplus.tv
https://facebook.com/VizionPlusTV
https://twitter.com/VizionPlusTV
Kjo është rruga Transballkanike, segmenti me fluksin më të madh të automjeteve në qytetin e Vlorës, pasi nëpërmjet saj mundësohet shmangia e lëvizjes së mjeteve në qendrën e qytetit dhe i gjithë qarkullimit drejt bregdetit orientohet nga ky segment. Aksi 3.8 km i gjatë, një investim që ka nisur 6 vite më parë nuk ka përfunduar ende pasi në të nuk ka as ndriçim, as semaforë, as mbikalime, dhe as trotuarë. Kjo situatë kaotike e ka kthyer atë në një rrugë burim aksidentesh për qytetarët. Bashkia e Vlorës nëpërmjet shefit të shërbimeve, Gentian Sherifaj thotë se nuk ka fonde të mjaftueshme për të siguruar ndriçimin e rrugës dhe plotësuar sinjalistikën e munguar. Rruga transballkanike është nga akset me statistikat më të këqija të aksidenteve me pasojë plagosjen e qytetarëve në Vlorës, duke regjistruar thuajse përditë një të tillë. Situata pritet të rëndohet edhe më shumë me afrimin e sezonit turistik kur numri i mjeteve dhe qytetarëve që përdorin këtë rrugë do të jetë ndjeshëm më i madh.
