http://www.vizionplus.tv
https://facebook.com/VizionPlusTV
https://twitter.com/VizionPlusTV
Kryetari i Aleancës për Ardhmërinë e Kosovës, Ramush Haradinaj zotohet për reformimin e partisë së tij. Haradinaj, gjatë një takimi me strukturat drejtuese të AAK-së, paralajmëron ndryshime dhe reformim, ku nuk përjashtohen edhe krerët partiakë. Zoti Haradinaj shtoi se edhe ai vetë ka bërë gabime. Haradinaj theksoi se janë të përjashtuar të gjithë ata shkelës të ligjit që kanë bërë krime dhe që kanë kërkuar ryshfet në emër të AAK-së. Lëvizja e Haradinajt për reformim vjen në kohën kur partia e tij nuk arriti të jetë pjesë e qeverisë së Kosovës, ndonëse për shumë kohë, ishte pjesë e një koalicioni partish, që synonte formimin e qeverisë, pa praninë e PDK-së. Sipas asaj marrëveshjeje, Ramush Haradinaj do të ishte kryeministër i vendit.
