http://www.vizionplus.tv
https://facebook.com/VizionPlusTV
https://twitter.com/VizionPlusTV
Ministria e Mbrojtjes i kërkon zyrtarisht Prokurorisë, te nise hetimet ne lidhje me aktivitetin antiligjor te majorit Sokol Feka, duke i vene ne dispozicion te gjithë dokumentacionin e nevojshëm. Burime te Vizion Plus, bëjnë me dije se shkresa zyrtare i është përcjellë organit te akuzës nje dite me pare, me firmën e Ministres se Mbrojtjes Mimi Kodheli. Kërkesës i është bashkangjitur edhe një material voluminoz per te gjithë aktivitetin e pilotit Sokol Feka në Shqipëri, sipas referimeve te bere nga policia ushtarake. Kjo e fundit ne rastin konkret, ka atributet e policisë gjyqësore dhe e ka për detyrim te referoje rastet ne organin e akuzës. Ndërkohe mësohet se nga verifikimet e kryera nga vete institucioni i mbrojtjes, Piloti Feka nuk ka kryer me pare asnjë veprimtari qe binte ndesh me funksionin e tij ne Forcat e Armatosura. Madje nga verifikimet e kryera, ka rezultuar se ishte hera e pare qe majori largohej jashtë vendit pa mare me pare leje. Kërkesa e Ministrisë së Mbrojtjes, i hap rrugë një hetimi të plotë të Prokurorisë lidhur me kontaktet e major Fekës brenda e jashtë vendit, ku besohet se ka vendosur kontaktet për trafikun e drogës. Në lëvizje është vënë edhe Shërbimi Informativ i Ushtrisë. Piloti Sokol Feka humbi jetën teksa po transportonte rreth 1 ton hashash nga Maroku drejt Spanjës, me një helikopter ushtarak. Mjeti i tij i fluturimit, u rrëzua në Malaga, në përpjekje për t?i shpëtuar ndjekjes se policisë spanjolle.
