http://www.vizionplus.tv
https://facebook.com/VizionPlusTV
https://twitter.com/VizionPlusTV
400 gram tritol u gjetën mëngjesin e së shtunës në verandën e një restoranti pranë ?Pallatit me Shigjeta? në Tiranë. Eksplozivi i ndarë në katër pako u pikas nga punonjësit e lokalit, të cilët lajmëruan menjëherë policinë. Pas mbërritjes së forcave xheniere u bë i mundur çaktivizimi i 400 gramëve tritol i cili ishte i lidhur me 4.5 metra fitil. Burime pranë uniformave blu thanë se edhe pse fitilat ishin ndezur nuk kishin mundur të aktivizonin lëndën shpërthyese. Policia mori në pyetje pronarin e lokalit, Shpetim Osmani, i cili mësohet të ketë thënë se nuk ka konflikte me persona të tjerë ndërkohë që dyshohet se vendosja e tritolit mund të jetë bërë për çështje konkurrence por dhe si mesazh kërcënues ndaj Osmanit. Nga ana tjetër policia vijon punën për zbardhjen e plotë të ngjarjes dhe identifikimin e autorëve.
