Azərbaycan Beynəlxalq Valyuta Fondu və Dünya Bankı ilə 4 mlrd. dollarlıq təcili yardım paketinin cəlb olunması ilə bağlı danışıqlar aparır.
“APA-Economics” xəbər verir ki, bu barədə BVF-nin nümayəndəsi “Financial Times” qəzetinə bildirib.
Onun sözlərinə görə, bu məsələnin müzakirə üçün Beynəlxalq Valyuta Fondu və Dünya Bankının nümayəndələri 28 yanvar - 4 fevral ərzində Bakıya rəsmi səfər edərək, hökumət rəsmiləri ilə görüşlər keçirəcək.
“Bu yardım paketi neftin ucuzlaşmasından irəli gələn problemlərlə mübarizə aparan Azərbaycana ayıracağımız ilk kreditdir”, - deyə o bildirib.
