Shqiptarët i kanë treguar vlerat e tyre humanitare edhe në kohën e holokaustit kur familje shqiptare të ndryshme kanë mbrojtur hebrenjtë nga ekzekutimi i nazistëve. Familja e Elida Biçaku-t është një nga familjet që gjyshi dhe babai i saj kanë mbajtur 26 të tillë.
Në një intervistë për Report Tv, Elida Biçaku Hasbiu që është mbesa e Mefailit dhe e bija e Njaziut, tregon sesi babë e bir shpëtuan 26 hebrenj nga gjenocidi i gjermanëve.
Ajo jeton në Elbasan dhe kujton me shumë krenari periudhën kur njerëzit e saj të dashur ngritën lart vlerat e kombit shqiptar.
Për dy vjet e gjysmë gjatë periudhës së luftës, gjyshi i saj u kontaktua nga hebrenj dhe i mori me vete në Qarrishtë të Librazhdit ku u mblodhën 26 persona. I ushqeu derisa gjermanët nisën të largohen dhe ma pas i ndihmoi deri në largimin në Strugë ku mbërritën shëndoshë e mirë dhe askush nuk përfundoi në duart e gjermanëve.
Ja si e tregon Elida Biçaku këtë ngjarje.
Elida ka pasur fatin të marrë vlerësimet për gjyshin dhe të atin e saj në Izrael e Amerikë ku dekoratat e mirënjohjes kanë qenë të shumta pasi familja Biçaku është e vetmja që ka shpëtuar kaq shumë hebrenj.
Ajo ndjehet mjaft krenare për veprën e familjes së saj. Ka marrë dekorata nga Presidenti dhe është shkruar shumë për familjen Biçaku nga Qarrishta që është pjesë edhe e librit Besa, një vlerë e madhe e shqiptarëve.
