Fermerët në qarkun e Lezhës refuzojnë të paguajnë sigurimet shoqërore edhe pse kjo është e detyrueshme me ligj. Çdo fermer që ka tokë në përdorim duhet të paguajë kontributet, duke i paraprirë edhe moshës së pensionit. Por deri më sot, situata është shqetësuese, pasi shumica e banorëve në fshat hezitojnë të paguajnë.
Ligji për pagesat e kontributeve shoqërore përcakton detyrimisht që të gjithë pjesëtaret e familjeve të fermerë mbi moshën 16 vjeç duhet të paguajnë sigurimet. Pavarësisht se ligji ekziston që prej vitit 93, kjo nuk ka ndodhur dhe grupmosha 18-35 vjeç rezulton se nuk kanë asnjë interes për të shlyer këto detyrime ligjore.
Kryetari i degës së kontributeve në Drejtorinë Rajonale të Sigurimeve Shoqërore në Lezhë Mirash Ftoni thotë se kjo vlen për çdo banorë të fshatit i cili është pajisur me tokë bujqësore.
Ligji në fakt përcakton se këto pagesa janë të detyrueshme për çdo person që ka tokë në pronësi, por ky raport pagese është shumë i ulët dhe vijon të mbetet shqetësues.
