"Ne nuk kishim qëllim të vrisnim askënd, gjithçka ka ndodhur në rrethana të paqarta. Në vetëm i jemi përgjigjur për vetëmbrojtje duke iu përgjigjur plumbave të ardhur pala tjetër". Kjo është dëshmia e zbardhur nga të dhënat e policisë e dy kushërinjve Cara të dhënë mbrëmjen e së shtunës në Policinë e Kurbinit të akuzuar për vrasjen e të riut Ervis Zyba.
Sipas kësaj dëshime të dhënë për oficerët e policisë gjyqësore, Elgert dhe Dorjan Cara kanë pranuar krimin dhe po ashtu jabë rrëfyer se mes dy grupeve ka patur shkëmbim zjarri për disa minuta. Sipas dëshmisë mësohet se ka qenë Xhevahir Lika 21 vjecc ai me të cilin ata kanë patur konflikti, ai që ka qëlluar i pari në drejtim të tyre.
Kushërinjtë Elgert Cara 19 vjecc dhe Dorjan Cara 25 vjecc banues në Zhejë të Kurbinit u vunë në prangat e policisë pas operacionit të ndërmarrë ditën e shtunë që bëri të mundur lokalizimin dhe kapjen e tyre teksa ata po lëvizinin me një autoveturë në drejtim të fshatit Zhejë.
Ndaj tyre rëndon akuza e vrasjes me paramendim e kryer në bashkpunim si dhe mbajtje pa leje e armëve dhe municioneve luftarake. Gjithccka nisi në një lokal ku me muzikë live në Fushë Milot të Kurbinit. Policia e këtij qyteti më herët ka arrestuar edhe 21-vjeçarin Xhevahir Lika, si personi kryesor i përfshirë në shkëmbimin e zjarrit ku mbeti i vrarë shoku i tij Ervis Zyba.
