Nga kamerat e sofistikuara termike, te dronët, te monitorimi i akseve rrugorë nga më shumë se 500 inspektorë për të ndaluar prerjen dhe transportin e paligjshëm të pemëve.
Drejtori i Inspektoriatit të Policisë pyjore Renaldo Culli shpjegon mënyrat si do të zbatohet moratoriumi i pyjeve, i cili do të bëhet në bashkërendim me forcat e policisë, por edhe me ato të ushtrisë.
?Kryqëzimet dhe pjesët nevralgjike ku shfrytëzohet druri pa kriter do të mbulohen me kamera. Këto kamera do të kene imazhe live në sallën e monitorimit pranë inspektoriatit të policisë pyjore dhe menjëherë në 24 orë, 7 ditë të javës do të kemi informacion live mbi mjetet dhe personat e paautorizuar që lëvizin dhe shfrytëzojnë lëndën drusore pa kriter. Teknologjia e avancuar na lejon që të kemi dhe projekte pilot nëpërmjet dronëve që na tregojnë si ka lëvizur sipërfaqja pyjore nga zona në zonë. Do kemi dhe kamera termike. Është një kamera që vepron me teknologji të fundit, infrared dhe ajo na jep sinjale ne edhe prej kilometrash më tutje," sqaroi ai.
Ndërkohë që do të lejohet përdorimi i një sasie të caktuar lëndësh drusore për ngrohjen e familjeve në zona të ndryshme. Sasia e lëdës drusore për këtë qëllim do të përcaktohet nga secila bashki, e cila do të përpilojë edhe listën me emrat e personave që do përjashtohen nga moratoriumi.
?Tek neni 3 shfrytëzimi i lëndës drusore për plotësimin e nevojave të banorëve dhe të bashkisë për dru zjarri përjashtohet. Është bashkia ajo e cila do sanksionojë prerjen e drurit dhe do shikojë dhe se sa dru duhet për t'u prerë për nevojat e popullësisë të bashkisë përkatëse,? shpjegoi Culli.
