Nga shkeljet me tenderët, te moszbatimi i investimeve, te problemet e vjeljes së detyrimeve nga kompanitë kontraktore.
Një kontroll i ushtruar nga KLSH në vitin 2015 në Agjencinë e Trafikut Ajror, ?ALBCONTROL? SHA, ka zbardhur një seri shkeljesh financiare, për 18 prej të cilave ka kërkuar shpërblim dëmi të shkaktuar në arkën e shtetit. Sipas Kontrollit të Lartë të Shtetit, detyrimet e paarkëtuara nga kjo agjenci arrijnë në 79,8 milionë lekë (afërisht 700 mijë dollarë), me kosto për bilancet e kompanisë.
Më tej KLSH konstaton se në të gjitha dosjet e tenderëve të audituara për vitin 2015, u konstatua se bashkëlidhur procesverbaleve të hartuara nga grupet e punës për llogaritjen e fondeve limit, mungojnë shkresat zyrtare drejtuar operatorëve ekonomik për paraqitjen e ofertave.
Në të gjitha dosjet e audituara të procedurave të prokurimit, raportet përmbledhëse të miratuara nga titullari i autoritetit kontraktor, janë pa datë dhe pa numër protokolli, veprime këto në kundërshtim me ligjin për prokurimin publik.
