Skeleti i një njeriu është gjetur 10 km larg qendrës së kryeqytetit në shpatin e malit, pranë Shkallës së Tujanit. Ai që lajmëroi policinë kur pa kufomën është Besjan Qordja, banor i fshatit Tujan, i cili ka treguar se në momentin e gjetjes së mbetjeve njerëzore, po mblidhte sherebelë.
Ai tha se kishte vënë re pjesë të trupit të një kufome të dekompozuar në tokë, ndaj menjëherë kishte njoftuar policinë. Qordja rrëfen se aty kishte kishte rroba, një bluze, një xhup të zi dhe një palë këpucë të zeza. ?Ajo që më bëri përshtypje fillimisht ishin këpucët, pastaj pashë kockat dhe rrobat.?, ka rrëfyer banori në polici.
Kufoma është e seksit mashkull dhe dyshohet të jetë moshë madhore. Sipas policisë, nga hetimet paraprake dyshohet se viktima, ende i paidentifikuar, ka gjetur vdekjen rreth 3-4 vjet më parë. Dyshimet e policisë janë përqendruar tek ndonjë turist i huaj. Mbetjet kockore të kufomës janë dërguar në Institutin e Mjekësisë Ligjore për ekpertizë të specializuar, për të përcaktuar shkakun e vdekjes, si dhe moshën.
Nga ana tjetër po punohet për sqarimin e mëtejshëm të rrethanave të ngjarjes. Mbetje të indeve trupore, kryesisht fije floku, do të dërgohen për ekzaminime të ADN, për të bërë të mundur identifikimin e kufomës.
