Munir Hussain Pakistan Film industry aur Radio Pakistan ke Aik Namwar Gulookar thay jinki PurSoz Awaz Almiya geet honay ke bawajood kaanon mai rus gholti, Yoon to Munir Hussain ki Waja-e-Shuhrat filmi geet hain lekin Unho ne Radio Pakistan k liye kye Qaumi Naghmaat bhi gaaye, Khaas tor par Jang-e-Sitamber mai Saleem Raza ke sath Taqreeban Woh Naghmay mai Shamil thay nez Sufi Ghulam Mustafa Tabassum ke tehreer karda Naghmay "Ab Jeet Hamari hai" aur "Dushman Aj Lalkria" Jang ke Akhri dino mai buht Nashr hotay, is tarah "Aye Hawa ke Rahiyo" aur "Samundaron ke Paniyo" mai bhi woh Saleem Raza ke sath thay. Saleem Raza aur Munir Hussain Apas mai buht achay dost bhi thay balke Saleem Raza ne Apne Waqt-e-Akhir mai Wasiyat ki thi k Mere Chahne walay Munir Hussain ka Khaas Khayal rakhen.
Saleem Raza ke sath gaya hua Mehmood Sham ka Yeh Naghma Munir Hussain ne 1986 ko Pakistan Television Lahore par live gaya jis ki Yeh Nayab Recording Aap Sab ki Nazr , Wazeh rahe k original Naghmay mai bhi Munir Hussain , Saleem Raza ke sath hain.
