Nën drejtimin e Kryeministrit Edi Rama u zhvillua mbledhja e Këshillit Ekonomik Kombëtar, në të cilën u diskutua mbi ndihmën shtetërore të vënë në dispozicion për mbështetjen ndaj biznesit, e cila sipas Kryeministrit për vite me radhë ka qenë tërësisht e keqadministruar, e përdorur në kundërshtim të hapur me legjislacionin e BE, si dhe në favorizim të konkurrencës së padrejtë.
?Vlera e ndihmës shtetërore në Shqipëri gjatë viteve 2007-2012 ka qënë pothuajse sa fatura që qeveria e kaluar la si borxhe të papaguara për investime apo shërbime të mara nga të tretët. Në këtë rast 631 milion euro. Ajo që ka qënë një problem serioz në këndvështrimin tonë është se shteti shqiptar e përdorte ndihmën në kundërshtim të hapur me legjislacionin e Bashkimit Europian dhe si favorizim shpesh herë për konkurrencën e padrejtë?, tha Rama.
Kryeministri theksoi se në tre vitet e fundit ka një orientim të ri të politikave të ndihmës shtetërore drejt mbështetjes së sektorëve prioritarë dhe koordinimit të tyre me politikat fiskale dhe ato të punësimit.
