Tiranë- Dy jetë shuhen në një aksident me motor. Dy të rinj kanë humbur jetën tragjikisht mbrëmjen e së henes nga një aksident rrugor në kryeqytet rreth orës 21:20.
Këngëtari Ergi Dini 22 vjeç dhe miku i tij Kejdi Halili 21 vjeç, djali i pedagoges dhe gazetares Erenestina Halili u aksidentuan në bulevardin "Bajram Curri", pranë urës së "Bllokut", pasi motori me të cilin po udhëtonin humbi drejtimin duke u rrëzuar në asfalt.
Nga rrëzimi drejtuesi i motorit me targa "AP 105" dhe pasagjeri morën plagë të rënda dhe u dërguan menjëherë në QSUT në gjendje të rëndë shëndetësore, por nuk mbijetuan.
