Rreth një vit më parë, shumë pak shqiptarë kishin dëgjuar për një bunker anti atomik, një bunker i cili ishte ndërtuar vetëm pak kilometra larg nga qendra e Tiranës dhe që do strehoheshin drejtuesit e regjimit komunist, në rast të ndonjë sulmi të mundshem.
Sot çdokush mund të vizitojë këtë bunker, i cili është kthyer në atraksion turistik, madje sot mund të vizitoni edhe dhomën e Enver Hoxhës dhe të Mehmet Shehut. Për këtë arsyje, bunkeri i cili mori emrin ?Bunk?art? nga muaji prill është i hapur në mënyrë të përhershme. Bunkarti është marrë ne qëra nga Qendra Ura, e cila është ideatorja e projektit dhe ka realizuar ekspoziten video-muzeale në nëntor-dhjetor 2014.
Carlo Bollino është kurator i Bunkartit, i cili në këtë sezon të ri vjen me me shumë ambjente dhe tematika të reja për publikun .
Pas rreth 50 operatorëve turistik italianë, ishte radhe e operatorëve turistik nga Shqipëria, për të parë nga afër mundësitë që ka kjo vepër për turizëm. Pjesë e këtij takimi kanë qënë edhe Kryebashkiaku Erion Veliaj dhe Ministrja e Ekonomisë Milva Ekonomi, të cilët kanë vizituar Bunkartin.
Kur hyn në këto ambjente, kupton regjimin e ashpër në vitet e komunizimit, i cili ka menduar të mbrojë veten e tij nga çdo sulm i mundshëm.
Kjo është dhoma e Enver Hoxhës, Komandanti suprem i forcave te armatosura në epokën e ndërtimit të bunkerit (1972-1978). Kjo zyrë ishte më e madhe dhe më luksoze nga të gjitha dhe shërbente për të dhe bashkëshorten e tij. Zyra është e përbërë nga një paradhomë në të cilën qëndronte sekretari personal, një zyrë pune, një dhomë gjumi dhe një banjo. Mobilimi është esencial edhe pse nuk është i një luksi të veçantë, mbetet më eleganti se të gjithë mjediset e tjera.
Por, Enver Hoxha nuk ka fjetur asnjëherë në këtë dhomë, edhe pse mori pjesë në dy stërvitje ushtarake pas inaugurimit zyrtar që u bë me 24 qershor 1978.
Kryebashkiaku Erion Veliaj u shpreh se hapja e Bunkartit është jehona më e madhe që mund të ketë marrë Shqipëria, ndërsa Milva ekonomik thekson se Bunkarti është mundësia më e mirë për të patur turistë në Shqipëri gjatë gjithë vitit.
Pavarisht se ishte i vogël në moshë përgjatë periudhës së kominizmit, Kryebashkiaku Erion Veliaj thotë për Report TV se mban mend shumë nga ajo periudhë. Madje ai e quan këtë regjimi, një lloj histerizmi.
Bunkeri u inagurua në 1978 nga Enver Hoxha. Bunkarti është një pallat me 5 kate, me 106 dhoma dhe një sallë Kuvendi, tashmë e shëndërruar në qendër historiko-kulturore.
Duke filluar nga ky muaj Bunakrti është hapur në formë të përhershme, duke u kthyer në një pikë turistike unikale në rajon, për të treguar jetën e shqiptarëve gjatë 45 viteve të komunizimit.
