Subscribe në Ora News këtu http://bit.ly/1s5j7UT
Në një takim me emigrantët në Athinë, ish-deputeti Koço Kokëdhima bëri publike nismën për nënshkrimin e një peticioni, të quajtur ?Unë zgjedh deputetin që dua?, me qëllim që kandidatët për deputetë dhe kryetarë Bashkie të Partisë Socialiste të zgjidhen përmes zgjedhjeve paraprake.
Kokëdhima: Ky peticion do të synojë të vërë në lëvizje parlamentin dhe Partinë Soacialiste për të garantuar me ligj të drejtën e bazës, të zgjedhë kandidatët për deputetë, kandidatët për kryetarë Bashkie. Shumë e drejtë është ajo, unë refuzoj deputetin që nuk dua.
Në fjalën e tij Kokëdhima foli edhe për raportet e Shqipërisë dhe Greqisë, teksa kritikoi qëndrimet e zyrtarëve shqiptarë për heqjen e ligjit të luftës me shtetin helen.
Kokëdhima: Zyrtarët e lartë nuk mund ta heqin ligjin e luftës duke replikuar në twitter dhe facebook. Ashtu siç nuk mund të mbahet në këmbë një gjendje lufte mes vendeve tona, pavarësisht qëndrimeve apo interesave të caktuara politike të kujdo qofshin ato.
Me emigrantët në shtetin fqinj, Kokëdhima foli për një sërë problematikash me të cilat hasen ata.
Një ndër to është njohja e pensioneve, ku edhe në këtë rast kritikon qeveritë shqiptare.
Për më shumë lexoni në: http://www.oranews.tv/vendi/kokedhima-ne-2017-peticion-une-zgjedh-deputetin-qe-dua/
