Ndërsa viti që sapo përfundoi u karakterizua nga inflacion i ulët, kanë qenë trajtimet estetike, pijet joalkoolike e produktet e detit ato që kanë shënuar uljen më të madhe të çmimeve. Rritje kanë shënuar çmimet e frutave e perimeve, të ëmbëlsirave e të produkteve të bulmetit.
Sipas të dhënave zyrtare të INSTAT, indeksi vjetor i çmimeve të trajtimeve estetike arrit në -0.6% në muajin nëntor, një prej grupeve me rënien më të dukshme përgjatë gjithë vitit.
Rënie ka shënuar edhe grupi buke e drithëra, ndërkohë që indeksi i çmimeve të mishit paraqitet me vlerën negative -0.9% nën nëntor. Me tregues negativ kanë qenë edhe çmimet e qirave e mirëmbajtjes së banesave: përkatësisht -0.2 dhe -0.4%.
Grupi me rritjen më të madhe ka qenë ai i frutave, indeksi vjetor i të cilit në muajin nëntor arriti 10.1%, i pasuar nga ëmbëlsirat, çmimet e të cilave u rritën me normën 5.9%. lëndët djegëse kanë qenë një grup tjetër që kanë shënuar rritje të dukshme çmimesh gjatë 2016, me indeksin që në nëntor arriti normën 5.3%.
