TIRANE-Prokurori i Përgjithshëm dhe ambasadori i Shteteve të Bashkuara të Amerikës kanë shpërthyer në deklarata të forta me akuza ndaj njëri-tjetrit sot në Tiranë.
Ambasadori amerikan Donald Lu foli sot shqip, por me deklarata të forta adresuar Prokurorit të Përgjithshëm Adriatik Llalla. Në një tryezë të Shoqërisë Civile me ambasadoren e BE, Vlahutin, Lu u shpreh se Llalla po punon kundër Reformës në Drejtësi. ?Prokurori i përgjithshëm për më shumë se 18 muaj ka folur vazhdimisht dhe me zë të lartë kundër reformës në drejtësi?.
Ambasadori i SHBA-vë deklaroi sot se gjykatës dhe prokurorë të korruptuar dhe krerë të krimit do të përpiqen t'i vjedhin zgjedhjet e rdhshme, reformën në drejtësi dhe ekonominë e vendit, ndaj shoqëria civile dhe mediat duhet të jenë syçelur.
Por menjëherë, as një orë nga deklarata e fuqishme e Lu, me një fjalim tepër të gjatë, që besohet se është përgatitur më herët, u kundërpërgjigj kryeprokurori.
