6 persona të cilët organizuan grabitjen e pak ditëve më parë janë zbuluar për shkak të një makine.
Pasi kryen grabitjen ata u drejtuan drejt Urës së Limuthi ku i vunë flakën dy foristradave. Në këtë moment grabitësit janë laguar me një makinë tip "Golf", e cila ishte e vjedhur.
Kjo makinë është parë nga disa persona pranë vendit ku u dogjën dy foristradat. Pikërisht duke gjurmuar nëpërmjet kamerave këtë makinë "Golf", policia ka arritur të shohë se autorët i janë drejtuar një apartamenti në Vorë.
Pasi kanë qëndurar aty, autorët janë shpërndarë me makina të tjera dhe Policia e Tiranës ka arritur të gjejë 4 prej tyre, ndërkohë që dy të tjerë janë shpallur në kërkim.
Policia ka arritur të bjerë në gjurmën e tyre ditën e hënë dhe menjëherë më pas janë rrethuar disa zona, ndërkohë që ndërhyrja është bërë mesditën e së martës, pas një takim të Haki Çakos me drejtuesit e policisë së Tiranës.
