TIRANE-Nxënësit dhe mësuesit e 7 shkollave të mesme të kryeqytetit kanë organizuar në mesditën e kësaj të mërkure një takim me Ambasadorin e Italisë, Alberto Cutillo, e zëvendësministren e Arsimit dhe Sporteve, Nora Malaj, lidhur me ekspozitën ?Kryevepra të Nëntëqindtës Italiane?.
Aktiviteti u zhvillua në kuadër të projektit promovues për vizita të organizuara në Galerinë Kombëtare të rreth 5.000 nxënësve që studiojnë gjuhën italiane. Ambasadori Cutillo foli se ky takim bëhet me qëllim nxitjen e lidhjes me artin italian.
?Kjo është një iniciative e ambasadës italiane me shkollat shqiptare për të aktivizuar dhe stimuluar të rinjtë për krijimtarinë e tyre artistike dhe formimin kulturor. Veprat italiane të ?900-s kanë qenë një eksperiencë e përcjellë në të gjithë botën e artit. Në Shqipëri ka 5 mije nxënës që studiojnë gjuhën italiane, dhe studimi i gjuhës gjithmonë është i lidhur me kulturën përkatëse. Ky projekt u jep mundësi të rinjve që të njohin vlerat më mira të artit italian. Ka shumë studentë shqiptarë që kanë pasion pikturën dhe ata mund ta përmbushin kulturën e tyre artistike me shembullin mjeshtërve të artit të 900-ës. Emocionet e tyre krijojnë lidhje konkrete me veprat. Kjo është një mundësi për të shkëmbyer dhe transmetuar përvojat kulturore mes dy vendeve?, tha Cutillo.
