Aleksandër Muskaj, Aurela Anastas, Sokol Berberi janë tre kandidaturat që janë paraqitur pranë Asamblesë Parlamentare (KiE) në lidhje me postin e gjyqtarit të ri të Shqipërisë në Gjykatën Evropiane të të Drejtave të Njeriut (GJEDNJ)
Këshilli i Evropës i ka kërkuar qeverisë shqiptare të paraqesë brenda datës 20 mars 2017, listën me propozime për tre kandidaturat më të përshtatshme për këtë pozicion.
Në garë merrnin pjesë 11 njerëz të drejtësisë:
-Aleksandër Muskaj
-Asllan Karaj
-Aurela Anastas
-Elira Kokona
-Ermal Frashëri
-Gent Ibrahimi
-Marjana Semini Tutulani
-Markeljan Koça
-Oriona Muçollari
-Sokol Berberi
-Suela Mëneri
Komisioni që u mor me përzgjedhjen drejtohej nga Luan Omari, ish-anëtar i Komisionit të Venecias, ndërsa anëtarë ishin: Kristaq Traja, ish-gjyqtar në GJEDNJ; Bashkim Dedja, Kryetar i Gjykatës Kushtetuese; Artan Hoxha, Dekan i Fakultetit të Drejtësisë, Universiteti i Tiranës, ish- gjyqtar në Gjykatën e Lartë dhe Artur Metani, Drejtor i Departamentit të Legjislacionit, Monitorimit të Programeve dhe Antikorrupsionit.
Asambleja refuzoi vjeshtën e vitin të shkuar kandidaturat e Genti Ibrahimi, Sokol Berberi dhe Ina Rama për arsye se qeveria shqiptare nuk kishte zbatuar procedurat e kërkuara nga Këshilli i Ministrave të BE dhe vetë asambleja për përzgjedhjen e këtyre kandidatëve. Qeveria njofton se për përzgjedhjen e Muskajt, Anastasit dhe Berberit janë ndjekur te gjitha procedurat e kërkuara./ TV KLAN
