Në planin për rimëkëmbjen e ekonomisë, Partia Demokratike ka edhe anulimin e Ligjit për Kthimin dhe Kompensimin e Pronave. Këtë pikë të programit, Lulzim Basha e ndau me banorë të Njësisë 7 në kryeqytet.
Përmes taksave të ulëta, Basha tha se do të synohet rritja e prodhimit dhe rimëkëmbja e ekonomisë. Për pensionistët thotë se ka një program që synon brenda katër viteve rritjen e pensioneve në fshat e qytet.
Ndërsa të rinjve me të cilët ndau një kafe u premtoi një vit stazh, pas mbarimit të studimeve të larta.
Në një tjetër takim elektoral në Libofshë, Basha atakoi investimet e rilindjes urbane, mes të cilave edhe sheshin ?Skënderbej?. Basha premtoi se do të jetë Kryeministër i shqiptarëve, ndaj në 25 Qershor kërkoi nga banorët e Libofshës që të votojnë për Republikën e re.
