Subscribe në Ora News këtu http://bit.ly/1s5j7UT
Lulzim Basha bashkëbisedoi me demokratët e Beratit, Kuçovës, Policanit ku u ndal në analizën e asaj çfarë ndodhi me 25 qershor.
Basha tha se nga njëra anë qëndronte PD me vlerat dhe programin e saj dhe nga ana tjetër, krimi, droga, makineria shtetërore e angazhuar në shitblerjen masive të votës.
Basha: E dinë fare mirë shqiptarët dhe me 18 maj e dinte edhe bota, ai jo vetëm nuk mund të garantojë zgjedhje të lira e të ndershme, por siç vërtetoi 25 qershori është strumbullari i varrmihjes së demokracisë në Shqipëri. Sepse ka ndërtuar një sistem politik klientelist, korruptiv dhe kriminal me një qëllim asgjësimin e vullnetit të lirë të qytetarëve shqiptarë. Në njërën anë të peshores shteti, institucionet, administrata, policia, milionat e tenderave të koncesioneve të korruptuar, bandat, paratë e drogës, në anën tjetër të peshores Partia Demokratike e cila nuk përdori asnjëherë presionin dhe shantazhin ndaj votuesit. Ne, nuk lidhëm dhe as nuk do të lidhim pakt me krimin për të ardhur në pushtet. Ne, nuk u përfshimë në lojën e ndyrë të shit-blerjes së indentitetit të qytetarëve, të dinjitetit të tyre me shukun e pisët të korrupsionit dhe drogës.
Lulzim Basha tha se projekti i tij synon fuqizimin e qytetarit, të anëtarit të thjeshtë të PD, që të ketë në dorë vendimet e rëndësishme.
Për më shumë lexoni në: http://www.oranews.tv/vendi/basha-vendimet-e-rendesishme-ne-duart-e-demokrateve/
