Subscribe në Ora News këtu http://bit.ly/1s5j7UT
Në ditën e parë të punës, Ministri i Infrastrukturës dhe Energjisë Damian Gjiknuri ka pezulluar ushtrimin e kontrollit në rrugë nga Drejtoria e Përgjithshme e Shërbimeve të Transportit Rrugor dhe strukturat e saj të varësisë. Pezullimi i veprimtarisë së kontrollit në rrugë do të bëhet deri në ristrukturimin e këtij institucioni dhe miratimin e ndryshimeve të nevojshme të Rregullores së Zbatimit të Kodit Rrugor.
?E famshmja ?policia gri? e cila do të shkrihet që në mbledhjen e parë të qeverisë sepse arsyeja e ekzistencës së këtyre strukturave dhe plot të tjerave ka vdekur në fakt me kohë?pati deklaruar Rama.
Me fillimin e punës në mënyrë zyrtare, Ministri i Infrastrukturës dhe Energjisë, Damian Gjiknuri, ka vënë në zbatim deklaratën e e kryeministrit Edi Rama.
Me anë të një urdhri, Ministri Gjiknuri ka firmosur pezullimin e veprimtarisë së ushtrimit të kontrolleve në rrugë nga Drejtoria e Përgjithshme e Shërbimeve të Transportit Rrugor dhe strukturat e saj të varësisë ose siç njihet ndryshe ?policia gri?.
Ky vendim do të jetë në fuqi deri në momentin që do të bëhet ristrukturimi i këtij institucioni dhe do të bëhet miratimi i ndryshimeve të nevojshme të Rregullores së Zbatimit të Kodit Rrugor.
Për zbatimin e këtij urdhri është ngarkuar Drejtoria e Përgjithshme e Shërbimeve të Transportit Rrugor dhe strukturat e saj të varësisë.
Sipas shkresës së Ministrit, pezullimi i kontrolleve nga ?policia gri? po bëhet edhe për faktin se paraqet rrezikshmëri, jo vetëm për jetën dhe shëndetin e drejtuesve të mjeteve që qarkullojnë në rrugë, por edhe për atë të kontrollorëve të rrugëve.
Për më shumë lexoni në: http://www.oranews.tv/vendi/gjiknuri-firmos-urdherin-per-pezullimin-e-policise-gri/
