Subscribe në Ora News këtu http://bit.ly/1s5j7UT
Votën kundër arrestimit të ish-Ministrit të tyre të Brendshëm Saimir Tahiri, deputetja e PS-së Blerina Gjylameti e arsyen me faktin se nuk mund të çonin pas hekurave një deputet bazuar mbi një farsë politike të prokurorisë.
Në intervistën e mbrëmjes në RTV Ora News, Gjylameti tha se kërkesa e organit të akuzës ishte një absurditet, e pa mbështetur në asnjë provë.
Gjylameti: Ajo që ne refuzuam ishte absolutisht një kërkesë absurde për arrestimin e ish-Ministrit të Brendshëm. Të dy kolegët e opozitës dhe mazhorancës lexuan raportet që kanë mbajtur dy palët në Këshillin e Mandateve për arsye se nuk ranë dakord për absurditetin e prokurorisë për arrestimin e ish-Ministrit të Brendshëm Saimir Tahiri. Ajo që ne bëmë sot është që vazhduam në atë vendim unanim që kishim të gjithë si PS për të mos lejuar vazhdimin e një farse, absurditeti. Ishte një keqpërdorim i pushtetit që i jepet prokurorisë në përdorimin e fjalëve prova por prova nuk kishte.Çdokush nuk duhet të arrestohet dhe më pas të gjejmë prova.Kolegët tanë të Këshillit të Mandateve argumentuan në çdo moment dhe në çdo hallkë të raportit që përpiluan faktin se nuk kishte prova bindëse të implikimit të Tahirit në çështjen Habilaj. Ne pamë nga prokuroria jonë një katër fletësh që për mua tregon joseriozitet, një katër fletësh ku tregonte implikimin ndërkohë nuk kishte asnjë provë.
Sipas saj, Prokuroria nuk mund të ndihet e intimiduar nga qeveria kur i kërkohet prova.
Gjylameti: Ne duam një drejtësi dhe vetting që jep drejtësi siç duhet të jetë dhe jo drejtësi sipas përdorimit. Për mua 48 orë kohë për të krijuar bindjen që ke implikim për mua tregon se ka pasur një lloj përdorimi politik. U bëj thirrje prokurorëve që në këtë proces kaq serioz dhe kaq sensitiv për Shqipërinë duhet të kenë një angazhim maksimal të tyre, një bllokim të kanaleve të komnunikimit apo përdorimit nga politika dhe vazhdim në procesin e tyre për të zbardhur të vërtetën. Çdo gjë nis dhe përfundon nga reforma në drejtësi.
Për më shumë lexoni në: http://www.oranews.tv/vendi/gjylameti-refuzuam-farsen-e-prokurorise-u-perdor-politikisht/
