Dy ditë pas arrestimit të Danjan Ndokës, policia njoftoi arrestimin edhe të një tjetër të dyshuari si autor i plagosjes së një aktivisti të LSI-së ditën e zgjedhjeve të 25 qershorit në Shëngjin. Në pranga u vu Samuel Ndoka 18 vjec. Ai u ndalua në Tiranë ndërsa me vete mbante edhe një pistoletë pa leje. Bashkë me të policia shoqëroi edhe Altin Mikajn dhe Françesk Marinajn. Drejtori i hetimit të krimeve Në Policinë e Shtetit Josif Shtëmbari jep detaje nga arrestimi.
Mikaj sipas policisë ka transportuar dhe kanë fshehur Ndokajn dhe mikun e tij, me qëllim për t?iu shmangur policisë. Për këtë qëllim ata kanë përdorur mjetin ?Audi?.
18-vjeçari Samuel Ndoka ishte në kërkim pasi dyshohet se me 22 Tetor plagosi me armë Florian Dushkun dhe Samet Berçajn në Shëngjin. Konflikti dyshohet se është në vijim të ngjarjes së 25 qershorit, kur ditën e zgjedhjeve Florian Dushku u godit me qytë pistolete nga Samuel Ndoka. Gjykata e Lezhës ka dhënë masën e sigurisë arrest me burg në mungesë për të dy kushërinjtë Ndoka.
