Subscribe në Ora News këtu http://bit.ly/1s5j7UT
Ish ministri i brendshëm Saimir Tahiri udhëton jashtë vendit në një kohë që po hetohet nga prokuroria e krimeve të rënda. Deputeti mësohet se ka udhëtuar në Gjermani për arsye familjare. Tahiri është nën hetim nga prokuroria për shkak të përgjimeve që drejtësia italiane ka bërë ndaj grupit të Habilajve, dosja e të cilëve transferuar edhe në Shqipëri.
I kontaktuar nga Ora News, vetë Saimir Tahiri konfirmoi udhëtimin, ndërsa ironizoi lajmet ku bëhej fjalë për një arratisje të tij. Deputeti ka shtuar se do të kthehet në Shqipëri të shtunën në mbrëmje.
Ndërkohë avokati Maks Haxhia duke thënë se nuk ka dijeni për udhëtimin e ish ministrit, u shpreh se Tahiri është një deputet i lirë dhe si i tillë nuk e pengon asgjë për të udhëtuar jashtë vendit.
Gjithashtu edhe prokuroria, e pyetur nga Ora News, ka konfirmuar se nuk ka asnjë ndalim për të dalë jashtë vendit për deputetin Saimir Tahiri. Organi i akuzës tha se ai po hetohet në gjendje të lirë sipas autorizimit të dhënë nga Kuvendi.
Për më shumë lexoni në: www.oranews.tv/article/saimir-tahiri-udheton-drejt-gjermanise
