Kryeministri Edi Rama ka deklaruar se do të shpërblehen të gjithë ushtarakët e Forcave të Armatosura, të cilët rrezikuan jetën e tyre për të shpëtuar jetën e njerëzve, gjatë situatës së jashtëzakonshme që u krijua nga përmbytjet masive. Rama vlerësoi punën dhe angazhimin e maksimal të FA, jo vetëm në kohë përmbytjesh, por edhe në misionet e tyre, duke thënë se asnjëherë nuk janë paguar sa duhet për punën e tyre të vështirë.
"Është e vërtetë se krahasuar me kolegët e tjerë me të cilët u përballët në kushtet e kësaj vështirësie të madhe, që përkoi me ditëlindjen e FA, pagat tuaja janë më të ulëta. Pavarësisht nivelit të lartë profesional dhe nivelit të lartë të vetëdijes patriotike që mishëroni, ne nuk kemi arritur që t?iu shpërblejmë sic e meritoni dhe që të mbyllim hendekun e pajustifikuar mesh jush dhe policisë së Shtetit kur vjen fjala te shpërbilimi, që kurrë nuk mund të arrijë deri aty ku ju meritoni. Ajo që ju bëni nuk mund të shpërblehet financiarisht. Sot qeveria do vendosë një shpërblim si shprehje mirënjohjeje. DO të shlyejmë borxhin e padrejtë", tha Rama.
Përveç shpërblimit të fundvitit, shefi i qeverisë bëri dhe një premtim para ushtarakëve të FA, teksa tha se në buxhetin e vitit 2019 do të jetë prioritare rritja e pagave për të gjithë ushtarakët.
